Laugardaginn 11.september kl. 13 verður boðið upp á klukkutíma langa fræðslu og gönguferð á vegum Sesseljuhúss þar sem Michele Rebora mun leiðbeina og fræða fólk um íslenska nytjasveppi.

Sparnaðarráð vikunar eru hugmyndir sem gestir Sesseljuhús komu með seinasta sumar í tengslum við sýninguna Ókeypis.

Sesseljuhús umhverfissetur , Landbúnaðarháskóli Íslands og Skipulagsfræðingarfélag Íslands bjóða til sýningar í Sesseljuhúsi Sólheimum laugardaginn 5.júní kl 14:00. Sýningin er lokahnykkurinn á valnámskeiði M.s. námi í skipulagsfræði.

Í námskeiðinu rannsökuðu nemendur sjálfbært skipulag sem tæki til að stuðla að umhverfisvænna og sjálfbærar manngerðu umhverfi. Niðurstöður rannsóknanna eru settar fram á myndrænan hátt á veggspjöldum.

Kynningar- og stofnfundir Vistvænnar byggðar - Vettvangs um sjálfbæra þróun í mannvirkjagerð var haldinn á fimmtudaginn í síðustu viku í húsnæði Orkuveitu Reykjavíkur. Áhugi á málefninu var mikill og komu alls 80 manns á fundinn úr mörgum mismunandi áttum. Fulltrúar bæði einka- og opinberra fyrirtækja voru á staðnum og verktakar og vísindamenn komu þarna saman til að fræðast um grænu byltinguna í mannvirkjagerð.

Margir bentu á sparnaðinn við það að keyra minna og hefur það sparnaðarráð sennilega aldrei átt betur við en í dag. Bensín og dísel hafa hækkað mikið í verði undanfarna daga og hugsanlega ekki séð fyrir endann á þeim hækkunum.

Margir gestir Sesseljuhúss skrifuðu um ást, umhyggju, kossa og knús þegar kom að því að draga fram það sem er ókeypis og best í heimi hér. Það er við hæfi nú þegar tími bóndadaga, konudaga og dags Valentínusar fer í hönd að hugsa um okkar nánustu og muna eftir að gefa knús og koss í dagsins önn.

Sýningin Ókeypis er allt sem er best - spörum fyrir okkur og umhverfið var sett upp í Sesseljuhúsi umhverfissetri í tilefni Menningarveislu Sólheima í sumar en hún hefur nú verið færð í Rauðakrosshúsið við Borgartún. Markmið hennar er eins og nafnið bendir til, að minna fólk á hvað er hægt að gera ókeypis.

Mikil aukning í heimsóknum skólahópa á öllum skólastigum setti svip sinn á starf Sesseljuhúss á árinu. Í ársskýrslu Sesseljuhúss er grein gerð fyrir helstu viðburðum ársins og starfinu árið 2009.

Kæru vinir og velunnarar Sesseljuhúss umhverfisseturs.  Við sendum ykkur bestu óskir um gleðileg jól og umhverfisvænt og farsælt komandi ár. Þökk fyrir ánægjuleg samskipti, samstarf og stuðning á árinu sem er að líða.Hlökkum til að sjá ykkur á Sólheimum á nýja árinu.

Margvíslegar fréttir berast nú af loftslagsráðstefnu Sameinuðu þjóðanna í Kaupmannahöfn. Hiti hefur heldur verið að færast í leikinn eftir því sem liðið hefur á ráðstefnuna, bæði meðal þeirra sem þrýsta á samkomulag utan ráðstefnusala, sem og innan þeirra.

Sólheimar bjóða um helgina upp á jólamarkað í Kringlunni en á markaðinum verða seldar vörur sem unnar eru á hinum fjölbreyttu vinnustofum Sólheima. Opið föstudag-sunnudags á opnunartíma Kringlunnar. Á Sólheimum verður einnig mikil jólastemming, sýningar, kaffihús og listhús verða opin og boðið verður upp á brúðuleikhússýningu.

Fimmtánda loftslagsráðstefna Sameinuðu þjóðanna hófst í gær í Kaupmannahöfn. Fyrir fundinum liggur að ákveða skuldbindingar um losun gróðurhúsalofttegunda eftir að skuldbindingum Kyoto-bókunarinnar sleppir árið 2012.

CELL nemar kvöddu samfélagið á Sólheimum með þakkargjörðarhátíð á fimmtudagskvöldið var en hópurinn flaug til Bandaríkjanna á mánudag eftir lærdóms- og viðburðarríka þriggja mánaða dvöl á Íslandi.

Í gær komu allir nemendur Grunnskólans Ljósaborgar ásamt kennurum og foreldrum saman á Sólheimum. Nemendur 8. bekkjar Ljósaborgarskóla sem sótt hafa námskeið í Sesseljuhúsi á haustdögum kynntu þar verkefni sín og opnuðu sýningu á munum sem þau unnu á og í samvinnu við vinnustofur Sólheima.

Dagana 27.-29. nóvember nk. verður haldið námskeið í lífefldri / biodynamískri ræktun á Sólheimum og í Skaftholti. Leiðbeinandi verður Henk-Jan Meyer.

CELL hópurinn lagði land undir fót og í þetta sinn voru þemu dagsins umhverfismál og listir á Íslandi. Dagurinn hófst á Gljúfrasteini þar sem fræðst var um líf og störf Halldórs Laxness en þaðan lá leiðin á listasöfnin í Reykjavík.

CELL hópurinn leggur þessa dagana lokahönd á stærstu verkefnin sem þau munu skila á önninni, svokölluð þjónustuverkefni eða service-learning projects. Hópurinn hefur samt sem áður gefið sér tíma í annan mikilvægan þátt námsins, skoðunarferðir þar sem hópurinn kynnist betur landi og þjóð.

CELL hópurinn tók heldur betur til hendinni í vikunni við plöntun í skjólbelti við Sólheima. Verkefnið er hluti af þjónustulærdómi svokölluðum, eða service learning, þar sem nemendur vinna umhverfisverkefni Sólheimum til hagsbóta.

CELL hópurinn dvaldi um helgina í best varðveitta torfbæ á Suðurlandi, það er í Austur-Meðalholtum í Gaulverjabæjarhreppi.  Það voru þau Hannes Lárusson myndlistarmaður og kona hans Kristín Magnúsdóttir sem tóku á móti hópnum og fræddi Hannes þau um þróun torfbæja á Íslandi og byggingu þeirra.

Fjórði hópur háskólanemenda hefur nú hafið nám á Sólheimum.  Hópurinn samanstendur af 12 nemum en með þeim komu tveir kennarar, en forstöðumaður Sesseljuhúss hefur haft veg og vanda af skipulagningu komu hópsins og sér einnig um kennslu hópsins að hluta.  Námið er skipulagt í samvinnu við CELL - Center for Ecological Living and Learning, menntasamtök í Bandaríkjunum. Um er að ræða svokallað "study abroad" prógramm þar sem nemendur taka hluta af námi sínu erlendis, en fá það svo metið til eininga þegar heim er komið.

Haustið er komið og þeim árstíðaskiptum fylgja skemmtilegar breytingar á Sólheimum. Nemendur 8. bekkjar Grunnskólans Ljósaborgar komu í síðustu viku í fyrstu heimsókn sína á Sólheima. Þetta erfyrsta heimsókn af mörgum, þvíallamiðvikudaga fram í nóvembermunu þau læra um starfið á Sólheimum og fræðast um umhverfismál í Sesseljuhúsi.

Í sumar var komið fyrir veðurathugunarstöð á þaki Sesseljuhúss umhverfisseturs. Stöðin er gjöf frá Jóni Ívarssyni starfsmanni á Sólheimum.

Laugardaginn 8. ágúst n.k verður hinn árlegi markaðsdagur Sólheima þar sem fram fer kynning og sala á lífrænt ræktuðu grænmeti frá Garðyrkjustöðinni Sunnu á Sólheimum ásamt ýmsu lífrænu góðgæti frá Engi, Hæðarenda og fleirum.

Menningarveislu Sólheima lýkur í þessari viku, en lokahátíð veislunnar verður "Lífrænn markaðsdagur" á laugardaginn kemur.  Mikið verður um dýrðir og munu þeir Raggi Bjarna og Þorgeir Ástvalds skemmta á tónleikum í Sólheimakirkju kl. 14.00 á laugardaginn. Þeir munu flytja ýmsar perlur frá liðnum árum.Gestir Sólheima ættu ekki að missa af hinum fjölbreyttu sýningum í Sesseljuhúsi umhverfissetri, en það má með sanni segja að þar sé eitthvað fyrir alla.

Síðasti fræðslufundur sumarsins í Sesseljuhúsi umhverfissetri var haldinn á laugardaginn var og mættu um eða yfir 90 manns til fundarins.

Menningarveisla Sólheima var sett 6. júní við það tilefni voru opnaðar fimm sýningar í Sesseljuhúsi umhverfissetri.  Ár hvert er haldin sýning með umhverfistengdu þema og í ár er fókusinn á hvað er hægt að gera ókeypis og hvernig það sem er gott fyrir budduna er ósjaldan líka gott fyrir umhverfið.

Fjórði CELL hópurinn var kvaddur með söknuði á morgunfundi á föstudaginn var. Allan föstudaginn kynntu þau svo hvert og eitt lokaverkefni sín um sjálfbærni og samfélag, og eigin áætlanir um hvernig þau ætla að lifa lífinu með hliðsjón af öllu því sem þau hafa lært síðastliðnar þrjár vikur.

Það viðraði vel til fuglaskoðunar á Sólheimum í dag þegar á sjötta tug fuglaáhugamanna á öllum aldri kom í fuglaskoðun í Sesseljuhúsi. 

CELL hópurinn hefur nú dvalist rúma viku við nám og störf á Íslandi. Fyrstu vikuna dvöldu þau á Sólheimum og fræddust um íslenska sögu, tungu og menningu auk þess sem þau sökktu sér í fræðslu um umhverfismál.

Síðastliðinn laugardag var haldinn fyrsti fræðslufundur sumarsins í röðinni Lesið í landið, í Sesseljuhúsi umhverfissetri.

Við hlýnun loftslags bráðna jöklar og við það léttist það þunga farg sem ísbreiðurnar eru. Land á norðurhjara jarðarinnar hefur risið sem svarar einum sentimetra á ári að jafnaði frá lokum ísaldar fyrir 10.000 árum síðan.

Þrír fyrrum CELL (Center for Ecological Living and Learning) nemendur eru þessa dagana í heimsókn á Sólheimum. Þær Sara Domek og Sarah Oakes voru í fyrsta hópi háskólanema í CELL prógramminu 2007 og Ana Luizzi var í hausthópnum 2008.

Pálín Dögg Helgadóttir hefur verið ráðin forstöðumaður Sesseljuhúss umhverfisseturs. Hún tekur við starfinu af Bergþóru Hlíðkvist Skúladóttur sem eftir þriggja ára starf hverfur nú til starfa hjá Umhverfisstofnun.

Í dag er laust til umsóknar starf Sesseljuhúss umhverfisseturs en núverandi forstöðumaður, Bergþóra Hlíðkvist Skúladóttir, mun brátt hverfa til starfa hjá Umhverfisstofnun. Starf forstöðumanns er fjölbreytt og spennandi og felur í sér fræðslu og kennslu í sjálfbærri þróun, fyrir innlenda sem erlenda skólahópa sem og almenning. Áhugasömum er bent á að hafa samband við framkvæmdastjóra Sólheima, Guðmund Ármann, í síma 4804401.

Í gær var vindmylla til raforkuframleiðslu reist á Sólheimum en slíkt hefur staðið til um nokkurt skeið. Vindmyllan er hluti af Orkugarði Sólheima sem nú er unnið að og stefnt að formlegri opnun næsta vor. Það er Rótor ehf sem flytur inn vindmylluna en rafallinn er 600W af gerðinni Ampair.

Sesseljuhús umhverfissetur var nýlega valið sem framlag Íslands á heimsráðsstefnu UNESCO sem haldin verður í mars 2009. Um er að ræða útnefningu íslensku UNESCO-nefndarinnar um “gott dæmi um fræðslu í sjálfbærri þróun” hér á Íslandi. Auk Sesseljuhúss var eitt annað íslenskt verkefni tilnefnt.

Sesseljuhús og Grunnskólinn Ljósaborg hafa átt gott samstarf undanfarin ár. Þetta haustið bauðst 8. bekk skólans að taka valáfanga á Sólheimum sem var í umsjón Sesseljuhúss. Í gær kynntu nemendurnir afrakstur annarinnar og var allur skólinn viðstaddur auk íbúa Sólheima.

Jarðvarmi er ein af undirstöðum góðra lífsgæða á Íslandi. CELL hópurinn heimsótti Hitaveitu Suðurnesja í gær og fræddist um starfsemi fyrirtækisins hjá Þorgrími Stefáni Árnasyni, öryggis-, heilbrigðis-, og umhverfisstjóra. Að leiðsögn lokinni var hópnum boðið upp á ljúffengan hádegismat og í Bláa Lónið sem engan sveik, frekar en fyrri daginn. Hitaveita Suðurnesja er einn af bakhjörlum Sesseljuhúss.

Um síðast liðna helgi var fróðleg námsstefna á vegum Landverndar í Sesseljuhúsi þar sem yfirskriftin var Vistvernd í verki - menntun til sjálfbærni. Þar töluðu stofnendur Vistverndar í verki í Evrópu, þau Marilyn og Alexander Mehlmann og Peter van Luttervelt, sérfræðingur í vinnustaðaráðgjöf. Margt fróðlegt kom fram í erindum og umræðum. Auk þess bauðst gestum að kanna aksturshæfni sína í aksturshermi sem notaður er við kennslu í vistakstri og að horfa á bíómynd um andlát rafmagnsbílsins.

Í gær kom til Sólheima hópur háskólanemenda frá Bandaríkjunum sem munu dvelja á Sólheimum næstu 3 mánuði við nám og störf. Þetta er annar hópurinn frá menntasamtökunum CELL sem kemur til að mennta sig á Sólheimum en sama nám var í boði síðastliðið haust. Námið byggist á námskeiðum, vettvangsferðum um landið og verkefnum sem unnin eru á Sólheimum. Verkefnin miða öll að því að gera umbætur í umhverfismálum á Sólheimum.

Í dag voru veittir styrkir úr Orkusjóði og var Sesseljuhús einn af styrkhöfum, fyrir verkefnið Orkugarður Sólheima. Það var Össur Skarphéðinsson iðnaðarráðherra sem afhenti styrkina í Þjóðmenningarhúsi. Orkugarður hlaut 500.000 kr í styrk en fyrr í sumar hlaut verkefnið sömu styrkupphæð frá Orkuveitu Reykjavíkur og síðan 200.000 frá Impru nýsköpunarmiðstöð. Orkugarður Sólheima verður fræðslugarður um endurnýjanlega orkugjafa fyrir skólahópa og ferðamenn.

Hefur þú einhvern tíma velt því fyrir þér, á göngu um náttúru Íslands, hvað blómin og jurtirnar í kringum þig heita? Nú er tækifærið til að taka fyrsta skrefið í þeirri þekkingarleit því næsta laugardag ætlar Sigurður H. Magnússson, hjá Náttúrufræðistofnun Íslands að fræða gesti í Sesseljuhúsi um blóm og jurtir. Sigurður mun byrja á stuttu fræðsluerindi innandyra en síðan verður farið út og spáð í náttúruna. Ókeypis aðgangur!

Náttúran skartaði sínu fegursta á Sólheimum þegar góður hópur gesta naut leiðsagnar Jóns Eiríkssonar jarðfræðings um hvernig lesa á í landslagið. Jón flutti áhugavert erindi innandyra um hvað hefur mótað Ísland í gegnum tíðina og sýndi fjölmargar ljósmyndir. Auk þess fjallaði hann jarðskjálfta enda mikill áhugi á því eftir skjálftann síðasta fimmtudag. Þá var farið út og á góðum útsýnisstað fór Jón yfir fjallahringinn og útskýrði hvernig hann var til. Þetta var afar áhugaverð fræðslustund.

Einn af föstum liðum í starfi Sesseljuhúss er að taka á móti erlendum nemendum og fræða um sjálfbæra þróun þar sem áherlsa er lögð á Sólheima og Ísland. Sterling háskóli í Bandaríkjunum hefur komið árlega síðan árið 2000 og í dag var hin árlega heimsókn þeirra til Sólheima.

Nú er sumarið á næsta leiti og fuglalífið fjörugt. Af því tilefni boðar Sesseljuhús, í samstarfi við Fuglavernd, til fuglaskoðunar laugardaginn 17. maí kl. 13. Jóhann Óli Hilmarsson mun flytja stutt erindi í Sesseljuhúsi en síðan verður farið út að skoða fugla. Aðgangur er ókeypis!

Þann 2. maí hóf Nicole Cadek störf í Sesseljuhúsi en hún dvelur nú sem sjálfboðaliði á Sólheimum. Nicole mun starfa í Sesseljuhúsi fyrir hádegi fram í ágústlok og vinna með forstöðumanni að undirbúningi Orkugarðs og að umhverfisstjórnunarkerfi Sólheima.

Hver kannast ekki við það að setja sér háleit markmið á hverju ári um að hefja betra líf ... bráðum(!) og standa svo frammi fyrir því jafn oft að markmiðunum hefur ekki verið náð.  Hvað hefur þú oft tekið þá ákvörðun að henda öllum óhollum matvælum úr eldhúsinu þínu og fylla skápana af hollustu?

Í dag og í gær hafa japanskir fréttamenn fyrir blaðið Sotokoto, environmental magazine, dvalið á Sólheimum og viðað að sér efni til umfjöllunar um Ísland. Blaðið er umhverfis- og hönnunarblað og sýndu blaðamennirnir Sesseljuhúsi mikinn áhuga.

Annað kvöld, mánudaginn 21. apríl, munu Náttúruverndarsamtök Suðurlands halda aðalfund sinn í Sesseljuhúsi. Tvö erindi verða flutt og eru félagsmenn, bændur, aðrir Sunnlendingar og allir velunnarar eru hvattir til að fjölmenna og fræðast um starfsemi samtakanna og um málefni fundarins, lífræna þróun í framleiðslu og neyslu. Nýir félagar eru sérstaklega velkomnir.

Síðasta föstudag, 18. apríl, var opinn fundur um sjálfbærar byggingar haldið á vegum Stofnunar Sæmundar fróða og Umhverfisráðuneytisins. Margir mættu og er augljóst að mikill áhugi er á málefninu. Það sama var upp á teningnum þegar Sesseljuhús hélt ráðstefnu um sjálfbærar byggingar fyrir einu og hálfu ári. Sesseljuhús er þekktasta sjálfbæra byggingin á Íslandi. 

Um 50 manns heimsóttu Sesseljuhús síðastliðið laugardagskvöld til að skoða stjörnurnar. Það voru félagar úr Stjörnuskoðunarfélagi Seltjarnarness sem leiddu hópinn við góðar undirtektir. Vígðir voru tveir nýir stjörnukíkjar sem nýlega var fjárfest í á Sólheimum og má áætla út frá góðri mætingu og almennri ánægju að stjörnuskoðun verði að föstum lið í Sesseljuhúsi á næstunni.

Annað kvöld munu félagar úr Stjörnuskoðunarfélagi Seltjarnarness stýra stjörnuskoðun í Sesseljuhúsi. Stjörnuskoðunin hefst með fræðsluerindi innandyra kl. 21 en síðan munu gestir fara út og skoða stjörnurnar með hjálp stjörnukíkja. Allir eru velkomnir og aðgangur ókeypis.

Hve margir eru jarðarbúar akkúrat núna? Hve mikið rusl er að safnast fyrir á götum Napólíborgar þessa stundina? Hve hratt eru skógar heimsins að eyðast? Svarið við þessum spurningum og mörgum öðrum er hægt að nálgast á skemmtilegri heimasíðu um tölfræði heimsins.

Bjart og fallegt veður tók á móti nemendahópi frá Fjölbrautaskólanum við Ármúla sem heimsótti Sesseljuhús í dag. Þetta voru nemendur í valáfanga um umhverfismál með kennara sínum, Heiðu Björk Sturludóttur, og ánægjulegt að sjá hve hópurinn var stór, um 20 manns. Hópurinn byrjaði heimsóknina á að hlusta á erindi um sjálfbæra þróun og en síðan var gengið um Sesseljuhús og Sólheima.

Það var góð mæting á kynningarfund um Vistvernd í verki sem haldinn var í Sesseljuhúsi í gærkvöldi. Það voru aðilar frá Landvernd, sem sér um þetta alþjóðlega verkefni á Íslandi, sem kynntu verkefnið fyrir íbúum Sólheima. Góður rómur var gerður að kynningunni og í kjölfarið skráðu þeir sig sem áhuga höfðu á að stofna visthóp og fara í gegnum þetta verkefni.

Í næstu viku hefst á Sólheimum verkefnið Vistvernd í verki en það er alþjóðlegt umhverfisverkefni sem Landvernd stýrir hér á landi. Markmið verkefnisins er að styðja og hvetja fólk til að taka upp vistvænni lífsstíl skref fyrir skref á þeim hraða sem hver velur sér.

Bandarísk umhverfissamtökin Earth Policy Institute hafa komist að þeirri niðursöðu að þriðjungur af maísframleiðslu landsins fari nú til framleiðslu á lífetanóli. Rúmlega 250 kíló af maís þarf til að framleiða lífeldsneyti til að fylla tankinn á amerísku fjórhjólabílunum (SUV, Sport Utility Vehicle). 

Stöðugt heyrast fréttir af nýjum möguleikum í framleiðslu á eldsneyti. Nú hefur bandaríska fyrirtækið Coskata kynnt nýja aðferð til framleiðslu á lífeldsneyti sem vakið hefur athygli. Framleiðsluferlið kostar minna en 17 krónur per líter og krefst engra ensíma, efna eða forvinnu á lífmassanum og gerist við lágan þrýsting og hitastig.

Magn fjölpósts af ýmsu tagi hér á landi hefur aukist um 76% frá 2003-2007 samkvæmt upplýsingum frá umhverfisráðuneytinu. Nú hefur Þórunn Sveinbjarnardóttir umhverfisráðherra skipað nefnd sem skila á tillögum um aðgerðir til að minnka úrgang og auka endurvinnslu á dagblöðum, tímaritum og öðrum óumbeðnum prentpappír.

Þrátt fyrir að Íslendingar á suðvesturhorni landsins séu orðnir þreyttir á rigningu eftir mjög blautt haust þá er vatnsskortur vaxandi vandamál víða um heim, meðal annars í sunnan- og vestanverðum Bandaríkjunum. Raunar hefur lengi stefnt í algert óefni á þessum slóðum vegna fólksfjölgunar og gífurlegrar vatnsþarfar en nú hefur eitt sveitarfélagið snúið vörn í sókn eins og kemur fram á mbl.is í dag.

Al Gore, fyrrum varaforseti Bandaríkjanna, hvatti mannkynið til að taka höndum saman í baráttunni gegn loftslagsbreytingum er hann tók við friðarverðlaunum Nóbels í Ósló í gærkvöldi. „Án þess að gera okkur grein fyrir því höfum við hafið hernað gegn sjálfri jörðinni,” sagði hann. Þetta kom fram á mbl.is í dag.

Þeir sem standa í hjónaskilnaði hafa líklega nægar áhyggjur fyrir. Þeir verða þó að sætta sig við það að skilnaðurinn hefur ekki aðeins áhrif á þá sjálfa og þá sem næst þeim standa heldur einnig á umhverfið, hjónaskilnaðir valda nefnilega auknum gróðurhúsaáhrifum. Sagt er frá þessu á mbl.is í dag og fréttin kemur upprunalega úr tímaritinu New Scientist.

Í gær kynntu CELL nemendur niðurstöður verkefna sinna sem þau hafa unnið að á Sólheimum undanfarnar vikur. Öll verkefnin miða að því að koma með tillögur að umbótum í umhverfismálum á Sólheimum og hjálpa til við nálgast það markmið Sólheima að vera sjálfbært byggðahverfi. Verkefnin voru níu talsins og má með sanni segja að niðurstöður þeirra hafi farið fram úr björtustu vonum heimamanna.

Í dag var borgardagur hjá CELL nemendunum - bæði til fróðleiks og afslöppunar. Byrjað var á að fara í Perluna þar sem útsýnið var rómað og kíkt á hina bráðskemmtilegu sýningu Sögusafnsins sem staðsett er í einum tankinum. Þá var keyrt um miðbæ Reykjavíkur og brá forstöðumaður Sesseljuhúss sér í gervi leiðsögumanns um stund. Eftir hádegi var frjáls tími og valdi meirihluti hópsins að spóka sig í miðbænum í blíðunni. Nokkrir drifu sig í fjallgöngu og klifu Esjuna.

Í gær átti CELL hópurinn sérstaklega góðan dag þegar fræðst var um jarðvarma í heimsókn í Hitaveitu Suðurnesja (HS). HS er einn af styrktaraðilum Sesseljuhúss og fengu nemendur höfðinglegar móttökur. Það var Þorgrímur Stefán Árnason, öryggis-, heilbrigðis- og umhverfisstjóri sem tók á móti hópnum. Hann fór með okkur um hin risavöxnu mannvirki Hitaveitunnar og útskýrði skilmerkilega hvernig jarðhitinn er nýttur. Auk alls fróðleiksins var boðið upp á ljúffengan hádegisverð á veitingastað Bláa Lónsins sem og frítt í Lónið sjálft.

Orkumál voru í algleymingi í heimsókn CELL hópsins á Orkustofnun í morgun og eftir hádegi var Umhverfisráðuneytið heimsótt. Á báðum stöðum voru móttökur til fyrirmyndar og nemendur mjög ánægðir í lok dags. Á Orkustofnun voru flutt fimm erindi sem spönnuðu orkumál landsins og vörpuðu þau ljósi á þær skiptu skoðanir sem eru um þessi mál hér á landi.

Forseti Íslands, Ólafur Ragnar Grímsson, velti því fyrir sér í dag, er hann vígði fyrstu lífetanóldæluna á Íslandi, hvort ekki yrði brátt að hætta að tala um „bensínstöðvar,“ og finna eitthvað annað orð í staðinn, eftir því sem fleiri orkugjafar en bensín og díselolía fengjust á bíla.

Föstudaginn 7. september n.k. kl. 14 í Sesseljuhúsi umhverfissetri mun nám í umhverfisfræðum á Sólheimum hefjast formlega. Framkvæmdastjóri Sólheima og forstöðumaður Sesseljuhúss munu flytja stutta tölu og síðan mun Umhverfisráðherra ávarpa gesti. Allir íbúar Sólheima er hjartanlega velkomnir að taka þátt í þessum tímamótum. 

Boðið var til brúðuleikhúss í íþróttaleikhúsi Sólheima í gær þar sem hugrakkur drengur og vond norn voru í aðalhlutverkum. Það voru erlendir sjálfboðaliðar frá samtökunum SEEDs, sem dvalið hafa á Sólheimum undanfarna daga sem buðu til skemmtunarinnar. En hvernig kemur þessi frétt umhverfismálum við? Jú, allar brúður voru gerðar úr heimilissorpi!

Í gærkvöldi var sýnd á RÚV heimildarmyndin "The Great Global Warming swindle" þar sem tilgátan um að hlýnun Jarðar sé vegna aukins styrks koldíoxíðs í andrúmslofti er dregin í efa. Þar koma fram margir vísindamenn sem tala um galla tilgátunnar og hvernig sólin sé í raun aðalvaldurinn - ekki mannskepnan. Talað er um hve málefnið er orðið pólitískt og hvernig alið er á ótta til að fá aukið fé til rannsókna á loftslagi. Þessi mynd hefur fengið mikla gagnrýni frá þeim sem komu fram í henni sem og frá öðrum, eins og kemur fram í nýjasta tölublaði hins virta tímarits The Ecologist (júní 2007).

Á þaki Sesseljuhúss eru 18 ljósrafalar (photovoltaic cells), hver 140 vött sem gerir þessa ljósrafalasamstæðu þá stærstu á Íslandi. Nýverið var sett upp skýringartafla í húsinu sem sýnir orkuframleiðslu og orkunotkun hússins. Á töflunni kemur fram notkun á heitu og köldu vatni í húsinu og raforkunotkun hússins sem í dag kemur annars vegar frá Hitaveitu Suðurnesja og frá ljósrafölum á þaki hússins. Það var Hörður Benediktsson hjá Landsnet sem hannaði allan hugbúnað í töflunni.

Nemendur á vegum samtakanna SIT Study Abroad komu í heimsókn til Sólheima í gær til að kynnast sjálfbæru samfélagi á Íslandi. Þau fengu almenna leiðsögn um svæðið í gær og kynntust þannig sögu staðarins sem drýpur af hverju strái. Í dag var síðan fluttur fyrirlesturinn ''Sólheimar and Sustainable development'' í Sesseljuhúsi og hópurinn leiddur um Sesseljuhús og sýninguna ''Hrein orka - betri heimur'' sem sýnd er í sýningarsal hússins. Að lokum var farið í heimsókn í garðyrkjustöðina Sunnu og fræðst um lífræna ræktun og hvernig jarðhitinn er nýttur til að hita upp gróðurhús hér á landi.

Í dag var úthlutað úr Pokasjóði og hlaut Sesseljuhús 400.000 kr. styrk til uppsetningar á sumarsýningu 2007 sem mun fjalla um endurnýjanlega orkugjafa og notkun þeirra í íslensku og alþjóðlegu samhengi. Þar mun íslenskum fyrirtækjum á sviði endurnýjanlegra orkugjafa vera gefinn kostur á að kynna sína starfsemi. Sýningin opnar 2. júní og er hluti af Menningarveislu Sólheima sem stendur í allt sumar.

Á fræðslufundinum kl. 17:30 í dag var spurt: Er lífræn ræktun það eina rétta? Gunnar Á. Gunnarsson og Áslaug Helgadóttir fluttu mjög fróðleg erindi og drógu upp mjög ólík viðhorf til ræktunar. Þau voru sammála um markmið ræktunarinnar en ósammála um leiðirnar.

Miðvikudaginn 9. maí kl. 17:30, á fræðslufundi Sesseljuhúss og Landverndar, verður reynt að svara spurningunni hér að ofan. Að vanda verða flutt tvö erindi: Gunnar Á. Gunnarsson frá Vottunarstofunni Tún flytur erindið Í hverju felst lífræn ræktun? Markaðsstaða og sóknarfæri og Áslaug Helgadóttir flytur erindið Eru lífræn ræktuð matvæli það eina rétta?

Á degi umhverfisins, þann 25. apríl s.l., fór áhugaverður vefur í loftið: www.natturan.is. Þetta er óháður regnhlífarvefur og stefnt er að því að koma á framfæri þar öllu því sem fréttnæmt getur talist á svið náttúru- og umhverfismála á Íslandi. Náttúran tekur ekki afstöðu til pólitískra mála en er yfirlýstur málsvari umhverfisins. Hver sem er getur sent inn frétt og tilkynnt um viðburð. Þarna er líka hægt að kaupa umhverfisvænar vörur á markaðstorgi og gefið var út spil með 48 hús- og umhverfisráðum.

Á fræðslufundi Sesseljuhúss og Landverndar var stóriðja í brennidepli og spurt: Hvaða umhverfiskröfur eru gerðar til stóriðju á Íslandi? Það voru þeir Bergur Sigurðsson framkvæmdastjóri Landverndar og Þór Tómasson frá Umhverfisstofnun sem héldu erindi og fræddu gesti um umhverfisáhrif álvera og hvaða skilyrði þarf að uppfylla til að fá starfsleyfi fyrir álver.

Fjórði fræðslufundur Sesseljuhúss umhverfisseturs og Landverndar verður miðvikudaginn 25. apríl kl. 17:30 í Sesseljuhúsi en þá er einmitt dagur umhverfisins. Þar verður fjallað um hvaða umhverfiskröfur eru gerðar til stóriðju hér á Íslandi. Gífurleg uppbygging í áliðnaði á sér nú stað hér á landi og eru skiptar skoðanir meðal þjóðarinnar. Mikið hefur verið deilt um fórnarkostnað vegna orkuöflunar sen minna farið fyrir umræðu um umhverfisáhrif álvera og þær umhverfiskröfur sem íslensk lög setja þeim. Hver eru umhverfisáhrif álvera og hvaða kröfur þarf að uppfylla til að fá starfsleyfi fyrir álver? 

Spurt var hvort landið fyki burtu á þriðja fræðslufundi Sesseljuhúss og Landverndar síðasta miðvikudag. Fyrirlesararnir Björn B. Jónsson og Ólafur Arnalds fluttu mjög áhugaverð og fróðleg erindi og voru sammála um að landið væri svo sannarlega að fjúka burtu. Nú væri þörf á verulegri vitundarvakningu um þetta háalvarlega mál hjá stjórnvöldum og beita markvissri beitarstýringu á hálendinu sem mótvægisaðgerð.

Þriðji fræðslufundur Sesseljuhúss umhverfisseturs og Landverndar verður miðvikudaginn 11. apríl kl. 17:30 í Sesseljuhúsi. Þar verður fjallað um baráttu okkar Íslendinga við jarðvegseyðingu en hún er eitt helsta umhverfisvandamál hér á landi. Langt er síðan Ísland var skógi vaxið milli fjalls og fjöru en hver er staðan í dag? Erum við að snúa vörn í sókn eða er þetta vonlaus barátta?

Ekkert eitt algilt svar er til við spurningunni: Borgar sig að flokka sorp? Þetta var niðurstaða fræðslufundar Sesseljuhúss og Landverndar í gær en þá fluttu Guðmundur Tryggvi Ólafsson og Bryndís Þórisdóttir fróðleg erindi. Í lok fundarins spunnust fjörlegar umræður og kom fram hjá gestum að komið væri að þolmörkum heimila þegar kæmi að ruslpósti. Spurt var meðal annars: Hver á að bera kostnað af flokkun og förgun fríblaða og auglýsingapósts sem flæðir inn á heimilin án þess að um það sé beðið.

Annar fræðslufundur í fundaröð Sesseljuhúss umhverfissetur og Landverndar verður næsta miðvikudag, 28. mars, kl. 17:30. Spurning dagsins er 'Borgar sig að flokka sorp?' og þar verða flutt tvö erindi. Guðmundur Tryggvi Ólafsson framkvæmdastjóri Sorpstöðvar Suðurlands mun fjalla um hvort hagkvæmt sé að flokka og endurvinna sorp og Bryndís Þórisdóttir hjá Vistvernd í verki mun flytja erindi sem kallast Grasrótin virkjuð: Flokkun og endurvinnsla á heimilum. Eins og fyrr verður opnað fyrir umræður í lok fundar og opið er á kaffihúsinu Grænu könnunni.

Þó hægt gangi að fá mannkynið til að horfast í augu við að loftslagsbreytingar séu staðreynd og berjast þurfi gegn auknum útblæstri gróðurhúsalofttegunda þá fréttist sífellt oftar af frábæru frumkvæði í rétta átt. Margt smátt gerir eitt stórt og fyrr en varir fer boltinn að rúlla. Eitt slíkt dæmi er leigubílafyrirtækið GreenTomatoCars í London. Það sem gerir þetta fyrirtæki sérstakt er að allir bílar fyrirtækisins eru Toyota Prius og umhverfismálin sett í forgang.

Gróðurhúsaáhrifin voru rædd á fræðslufundi Sesseljuhúss og Landverndar í gær þar sem spurt var: Gróðurhúsaáhrifin á Íslandi: Bongóblíða eða helkuldi? Þar héldu Ingibjörg Björnsdóttir og Páll Bergþórsson mjög fróðleg erindi og mynduðust fjörlegar umræður í salnum í lokin. Kom fram að enginn vafi væri á að hitastig færi hækkandi á jörðinni og yfirborð sjávar að hækka.  Til að svara spurningu dagsins þá benti Ingibjörg á að þær vangaveltur að hægja muni á Golfstraumnum væri einungis kenning eins vísindamanns. Páll hafði enga trú á þessari kenningu og telur að hlýna muni á Íslandi eins og annars staðar á jörðinni.

Eitt meginmarkmiðið með www.sesseljuhus.is er að vera upplýsingaveita um sjálfbærar byggingar og umhverfisvæn byggingarefni. Heimasíðan hefur vakið verðskuldaða athygli og fékk hún ríflega 1000 heimsóknir í síðustu viku. Í Morgunblaðinu í dag, á neytendasíðu, bls. 21 er grein eftir Kristínu Heiðu Kristinsdóttur sem nefnist "Hvernig á að byggja umhverfisvænt hús". Þar er Sesseljuhús tekið sem dæmi enda er húsið ein umhverfisvænasta samtímabygging á Íslandi.

Í janúar og febrúar var mikið af snjó hér á Sólheimum og vakti það mikla gleði hjá krökkunum. Undanfarið hafa hins vegar vorvindar blásið og allur snjór löngu horfinn. En þá kemur ýmislegt í ljós sem ekki gleður augað - ruslið. Þetta vakti athygli nokkurra krakka á Sólheimum. Þeim fannst þetta ekki gott mál og náðu sér því í stóran poka og gengu um þorpið og söfnuðu í hann rusli. Ruslið endaði svo í ruslagámi þar sem það á að vera! Þetta er fyrirmyndarframtak unga fólksins og gott mál ef komandi kynslóð er svo vel meðvituð um umhverfi sitt. Umhverfishetjurnar heita Ýmir, Birta og Katrín Þöll.

Undanfarin misseri hefur mikið verið rætt um gróðurhúsaáhrif af mannavöldum og afleiðingar þeirra. Talið er að loftslag muni hlýna og í huga margra Íslendinga hljómar það alls ekkert illa! Nú benda ýmsar rannsóknir hins vegar til þess að gróðurhúsaáhrifin muni hægja á Golfstraumnum og leiða til kaldara loftslags á Íslandi. Hvað er til í þessum staðhæfingum? Mun hlýna á jörðinni en kólna á Íslandi? Þessum spurningum verður leitast við að svara á fræðslufundi Sesseljuhúss og Landverndar næsta miðvikudag kl. 17:30 en fundurinn ber yfirskriftina Gróðurhúsáhrifin á Íslandi: Bongóblíða eða helkuldi? Eftir fundinn verður gestum boðið að horfa á kvikmyndina "Óþægilegur sannleikur" þar sem Al Gore fjallar um gróðurhúsaáhrifin í hnattrænu samhengi, orsök þeirra og afleiðingar.

Í dag bárust ánægjulegar fréttir frá okkar ágæta forsætisráðuneyti því ríkisstjórnin hefur samþykkt lagafrumvarp, sem ætlað er að hvetja til aukinnar notkunar á vistvænum ökutækjum. Í lagafrumvarpinu er m.a. gert ráð fyrir að vörugjöld af metanbílum verði felld niður tímabundið (til ársloka 2008). Þá samþykkti ríkisstjórnin að mælast til þess við ríkisstofnanir að þær kaupi vistvæna bíla þegar þær endurnýja bílakost sinn. Þetta eru gleðifréttir því þessar aðgerðir leiða til minni losunar á gróðurhúsalofttegundum og stuðla að nýtingu innlendrar orku, þ.e. metans sem unnið er úr hauggasi.

Umhverfismálin eru alls staðar og eru hluti af tilveru okkar frá vöggu til grafar. Í sýslu einni í Englandi hafa yfirvöld nú ákveðið að grípa til aðgerða til að minnka álag á grafreiti. Nýja aðferðin felst í því að frysta líkin í fljótandi köfnunarefni og hrista þau síðan svo þau verði að dufti. Með þessari nýju aðferð sparast bæði peningar og orka miðað við hefðbundna líkbrennslu og telst aðferðin mjög umhverfisvæn.

Gríðarleg orka er falin í sjávarföllum og er hún að mestu óbeisluð. Skotar  stefna að því afla um 20% af orkuþörf sinni með endurnýjanlegum orkugjöfum árið 2010 og 40% árið 2020. Þessu ætla þeir að ná með því að beisla orkuna í haföldu og sjávarföllum og stefnt er að því að reisa stærsta sjávarorkuver í heimi á næsta ári við strendur Orkneyja. Skotar stefna að því að verða leiðandi í nýtingu sjávarorku, rétt eins og Danir með vindorkuna.

Næstkomandi fimmtudag, þann 1. mars, verður haldinn opinber fyrirlestur í Norræna húsinu sem kallast: Áhætta erfðatækninnar - þekktir og óþekktir óvissuþættir. Það er Terje Traavik, prófessor í genavistfræði við háskólann í Tromsø sem mun tala en Níels S. Olgeirsson formaður MATVÍS mun setja fundinn og fundarstjóri er Katrín Fjeldsted, læknir og varaþingmaður. Eftirfarandi spurningum mun verða varpað fram:Hvaða áhætta fylgir því að erfðabreyta lífverum, fóðri og matvælum?Hver eru umhverfis- og heilsufarsáhrif erfðatækninnar?Fundarstaður: Norræna húsið í ReykjavíkFimmtudaginn 1. mars 2007 kl. 16.30.Frekari upplýsingar: www.erfdabreytt.net

Það eru ýmsar sniðugar leiðir í umhverfisvernd. Á síðasta ári var um tveimur tonnum af tískuiðnaðarúrgangi Ítalíu beint frá sorpurðunarstöðum inn í nýja hönnun en það er hönnuðurinn Orsola de Castro sem hannar flíkur eingöngu úr afgöngum og gölluðum vörum frá nokkrum af stærstu tískuverksmiðjum Ítalíu. Tískumerki Orsolu heitir From Somewhere og nýtur stöðugt meiri vinsælda. Hún lítur á afgangana sem algjöra gullnámu.

Lífrænt ræktaðar afurðir njóta mikilla vinsælda í Danmörku og nú er svo komið að danskir bændur eru hvattir til að snúa sé í auknum mæli að lífrænni ræktun til að mæta eftirspurn. Umfjöllun um lífrænt ræktaðar afurðir verða í brennidepli í fræðslufundaröð Sesseljuhúss og Landverndar sem hefst í mars. Þar verður spurt: Eru lífrænt ræktuð matvæli það eina rétta? Fjallað verður um hvaða kröfur eru gerðar til lífrænnar ræktunar og málin skoðuð frá ýmsum sjónarhornum.

Í dag kom Bændablaðið út, 3 tölublað 2007. Að vanda er fjallað um margt áhugavert í blaðinu. Vakin er athygli á grein um Sesseljuhús umhverfissetur á blaðsíðu 22. Hægt er að skoða blaðið á eftirfarandi slóð: Bændablaðið

Á áhugaverðri ráðstefnu í gær, 8. febrúar, var spurt: Hvernig ökum við í átt að vistvænni framtíð? -verður metan lykilorðið?  Metan er mjög virk gróðurhúsalofttegund, um 20 sinnum skæðari en koldíoxíð. Með því að brenna metan sem eldsneyti verður til koldíoxíð og er þessi bruni því mjög ákjósanlegur, bæði til orkuöflunar og í baráttunni við loftslagsbreytingar. Að auki má nefna að með því að nýta metanið sem eldsneyti þá er verið að nýta innlent vistvænt eldsneyti. Þannig sparast gjaldeyrir sem nýta má í annað. Margt fróðlegt bar á góma á ráðstefnunni eins og sú staðreynd að einungis um 1% af hauggasinu á staðnum er nýttur og um 40-50 bílar eru knúnir af metani á götum borgarinnar í dag.

Morgunblaðið greinir í dag frá skýrslu frá alþjóðlegu ráðstefnunni í Reykjavík á síðasta ári sem fjallaði um samspil loftslagsbreytinga, hafstrauma og lífríkis hafsins á Norður-Atlantshafi. Þar kemur fram að líklegt er talið að hægja muni á Golfstraumnum af völdum hlýnunar jarðar en þó ekki talið að hann stöðvist. Þetta er áhugavert efni og snertir okkur Íslendinga beint þar sem spurningin er hve byggilegt landið okkar verður í framtíðinni. Þessi spurning mun einmitt verða spurð í mars nk. þegar Sesseljuhús, í samstarfi við Landvernd, mun hefja fræðslufundaröð um umhverfismál.

Í lok janúar birtist á heimasíðu Umhverfisstofnunar ný undirsíða sem kallast Umhverfisvísar. Þessir vísar eru upplýsingaveita um ýmis efni er snúa að mengunarmálum, náttúruvernd, matvælaeftirliti, gæðum andrúmslofts, vatns, sjávar og lands. Þeir veita upplýsingar um stöðu mála og hvert stefnir, hvort markmið stjórnvalda í tilteknum málaflokkum á sviði umhverfis- og hollustumála eru að nást eða ekki.

Það er ýmis konar fróðleikur til staðar í Sesseljuhúsi og á Sólheimum og er öllum velkomið að nálgast hann. Í dag kom í heimsókn ung kona frá Austurríki að nafni Patricia von Maravic. Hún er skiptinemi við Jarð- og landfræðiskor Háskóla Íslands og er að hefja undirbúning við skrif á lokaritgerð.

Nú er nýlokið við endurbætur á viðargólfinu í Sesseljuhúsi. Var vandað til verka og strangar umhverfiskröfur gerðar til efna sem notuð voru eins og ætíð þegar Sesseljuhús á í hlut. Áður en hafist var handa var haft samband við nokkra verktaka og grennslast fyrir um efnin sem þeir notuðu og umhverfisáhrif þeirra athuguð hjá innflytjanda.

Í dag var ný heimasíða Sesseljuhúss formlega tekin í notkun. Þessi síða er hugsuð sem upplýsingaveita um sjálfbær hús og almennt um umhverfismál. Fjallað er um hvað kröfur eru gerðar til sjálfbærra húsa og hvernig Sesseljuhús uppfyllir þessar kröfur. Ýmsar nýjungar hafa verið innleiddar á síðunni.

Þann 13. janúar var haldinn vinnufundur um sjálfbærar byggingar í Sesseljuhúsi á vegum Náttúrunnar (grasagudda.is). Í lok fundarins afhenti Birgir Þórðarson umhverfisskipulagsfræðingur bókasafni Sesseljuhúss veglega bókagjöf.

Undanfarna mánuði hefur verið unnið að umbótum í sorpmálum á Sólheimum, bæði í söfnun á lífrænu sorpi og flokkun og endurvinnslu. Miðvikudaginn 10. janúar var haldinn kynningarfundur í Sesseljuhúsi fyrir íbúa Sólheima þar sem nýjungarnar voru kynntar