Laugardaginn 28. ágúst mun Rannveig Guicharnaud, Ph.d. jarðvegsfræðingur, fjalla um áhrif eldgossins í Eyjafjallajökli á umhverfið.

Laugardaginn 21.ágúst klukkan 13.00 mun Guðrún Bergmann halda fræðslufund um umhverfisvæna ferðaþjónustu, ferðaþjónustu framtíðarinnar. Áhugaverður fundur fyrir alla sem eru í ferðaþjónustugeiranum. Allir eru velkomnir og aðgangur er ókeypis. 

Á laugardaginn kemur verður nokkurs konar uppskeruhátíð á Sólheimum á hinum lífræna degi þegar afrakstur sumarsins verður til sölu. Slegið verður upp markaðstjöldum fyrir utan verslunina Völu þar sem lífrænt grænmeti, tré og blóm verða til sölu auk listmuna úr listasmiðjum Sólheima. Auk þess verður ýmislegt fleira um að vera, má þar nefna tónleika með Ragnari Bjarnasyni og Þorgeiri Ástvaldssyni, leiðsögn um trjásafn Sólheima að ógleymdum þeim Begga og Pacas sem munu elda lífræna rétti úr uppskeru sumarsins. Skátar frá Sólheimum munu selja happdrættismiða, Sólheimakórinn syngur o.fl. o.fl.